مه‌ودا میدیا - 

هێزەکانی ئاسایشی رۆژئاوای سلێمانی له‌سه‌ر لاپه‌ڕه‌ی خۆی له‌ تۆری كۆمه‌ڵایه‌تیی فه‌یسبوك بڵاویكرده‌وه‌، لەدوو چالاکیدا 4  كه‌سیان به‌ تۆمه‌تی جیاجیا دەستگیرکرد.

له‌ راگه‌یه‌ندراوی ئاسایشدا روونكراوه‌ته‌وه‌، لەدوای بەدەستهێنانی زانیاریی و بەدواداچوون، لەسەر فەرمانی داوەری لێکۆڵینەوە،  3 کەس بە تۆمەتی دزیکردن لە ماڵێکی گەڕەکی سەرچناری سلێمانی، دەستگیرکران.

ئاماژه‌ به‌وه‌شكراوه‌ كه‌ لەچالاکی دووەمدا، هێزەکانی ئاسایشی رۆژئاوای سلێمانی دوای کۆکردنەوەی زانیاریی و دەستنیشانکردنی شوێنی تۆمەتبار، لەسەر فەرمانی دادوەری لێکۆڵینەوە و دوای کەمتر لە ( ١٢ )کاتژمێر لە رووداوەکە، تۆمەتباری رووداوی تەقەکردن لە ماڵێک لە شاروچکەی بازیان دەستگیرکرد و دەستیانگرت بەسەر چەکێکدا.

لەئێستادا تۆمەتباران بە ماددەکانی (٤٤٣) و (٤٠٥) بەفەرمانی دادوەری لێکۆڵینەوەی ئاسایش راگیراون و لێکۆڵینەوە لەدۆسیەکانیان بەردەوامە.