مەودا میدیا-

نیوەڕۆی ئەمڕۆ چوارشەممە لەناوبازاڕی ناحیەی تەقەتەقی سەر بە قەزای کۆیە باوکێک دەستڕێژی گولـلەی لە کچەکەی کرد و برینداریکرد.

شێروان جەلال، جێگری بەرێوەبەری گشتیی تەندروستیی کۆیە بە مەودا میدیای راگەیاند "نیوەڕۆی ئەمڕۆ چوارشەممە 27ی کانونی یەکەمی 2023 لەناوبازاڕی ناحیەی تەقەتەق باوکێک بەهۆی کێشەی کۆمەڵایەتییەوە سێ فیشەکی بە کچەکەیەوە ناوە و برینداری کردووە".

جێگری بەرێوەبەری گشتیی تەندروستیی کۆیە ئاماژەی بەوەشکرد "کچەکە بریندارە و رەوانەی نەخۆشخانەکانی شاری کەرکوک کراوە".

بەپێی زانیارییەکانی مەودا میدیا، کچەکە تەمەنی 25 ساڵە و ناوی (س، م، س)ە.

س.ر