مەودا میدیا-

بەڕێوەبەریی گشتیی بازرگانی هەرێمی کوردستان رایدەگەیەنێت لە سەرەتای ساڵی نوێووە هاوردەکردنی ڤەیپ و جگەرەی ئەلیکترۆنی قەدەغە دەکەن، ئاماژە بەوەشدەکات ئەوانەی لە بازاڕدا هەیە دەستی دەستی بەسەردا دەگیرێت.

نەوزاد شێخ کامیل، بەڕێوەبەریی گشتیی بازرگانی هەرێمی کوردستان رایگەیاند "لەسەر راسپاردەی داواکاری گشتیی کە بە پێی چەند راپۆرتێکی پزیشکی بڕیاری قەدەغەکردنی ڤەیپ و جگەرەی ئەلیکترۆنی داوە لە سەرەتای ساڵی نوێوە بە هیچ شێوەیەک مۆڵەت بە بازرگانەکان نادرێت ڤەیپ و جگەرەی ئەلیکترۆنی هاوردە بکەن، تەنانەت ئەوەشی لە بازاڕدا هەیە دەستی بەسەردا دەگیرێت".

بەڕێوەبەریی گشتیی بازرگانی هەرێمی کوردستان ئاماژەی بەوەشکردووە "پێدەچێت سزای ئەوکەسانە بدرێت کە دەیکێشن".

ساڵانە ژمارەیەکی زۆر لە ڤەیپ و جگەرەی ئەلیکترۆنی هاوردەی هەرێمی کوردستان دەکرێن و لە بازاڕەکاندا دەفرۆشرێنەوە.

س،ر