مه‌ودا میدیا - 

بۆردوومانی توركیا بۆ سه‌ر ناوچه‌ جیاوازه‌كانی رۆژئاوای كوردستان به‌رده‌وامیی هه‌یه‌ و له‌و چوارچێوه‌یه‌دا ده‌رهێنه‌رێكی سینه‌مایی ناسراوی كورد به‌هۆی بۆردوومانه‌كانی توركیاوه‌ گیانیله‌ده‌ستدا.

سه‌رچاوه‌كانی هه‌واڵی رۆژئاوای كوردستان بڵاویانكرده‌وه‌، به‌هۆی بۆردوومانی توركیا بۆ سه‌ر شاری دیرك (مالكیه‌)، مه‌نسور كه‌ریمیان، ده‌رهێنه‌ری سینه‌مایی كورد دانیشتوی شاری سنه‌ له‌ رۆژهه‌ڵاتی كوردستان، گیانیله‌ده‌ستدا. 

كه‌ریمیان به‌مه‌به‌ستی وێنه‌گرتنی فیلمێكی سینه‌مایی سه‌ردانی رۆژئاوای كوردستانی كردبوو، كه‌ به‌هۆی دۆخی ئه‌منیی و سیاسییه‌وه‌، ژینگه‌یه‌كی له‌باره‌ی بۆ ده‌رهێنانی فیلم. 

مه‌نسور كه‌ریمیان، ته‌مه‌ن 39 ساڵ خاوه‌نی دوو فیلمه‌ به‌ناوه‌كانی خۆری سوور و عیشقی كورد، له‌ئێستادا خێزان و بنه‌ماڵه‌ی كه‌ریمیان له‌هه‌وڵدان بۆ ئه‌وه‌ی ته‌رمه‌كه‌ی بۆ شاری سنه‌ بگه‌ڕێننه‌وه‌.