ه‌ودا میدیا - 

به‌گوێره‌ی په‌یج و ئه‌كاونته‌كانی مامۆستایانی وانه‌بێژ له‌سه‌ر تۆڕی كۆمه‌ڵایه‌تیی فه‌یسبوك، دوای سه‌ری ساڵ ئه‌و توێژه‌ كرێی مانگی 10 (تشرینی یه‌كه‌م 2023) وه‌رده‌گرن، له‌كاتێكدا هێشتا مامۆستایانی وانه‌بێژ به‌رده‌وامن له‌سه‌ر بایكۆتكردن.

عەلی رەئووف مستەفا، نوێنەری گشتی وانەبێژان رایگه‌یاندووه‌، دوای سه‌ری ساڵی 2024، مامۆستایانی وانه‌بێژ كرێی مانگی 10 وه‌رده‌گرن. 

هاوكات مامۆستایان وانه‌بێژ له‌ په‌یجی فه‌رمی خۆیان له‌ تۆڕی كۆمه‌ڵایه‌تیی فه‌یسبوك بڵاویانكرده‌وه‌، له‌گه‌ڵ وه‌رگرتنی كرێی مانگی تشرینی یه‌كه‌مدا، دووپاتیده‌كه‌نه‌وه‌ كه‌ به‌رده‌وام ده‌بن له‌ بایكۆتكردن تا ئه‌و كاته‌ی كه‌ حكومه‌ت داواكارییه‌كه‌یان جێبه‌جێده‌كات كه‌ بریتییه‌ له‌ دامه‌زراندنیان.

به‌گوێره‌ی ئاماره‌ ره‌سمییه‌كان، نزیكه‌ی 20 هه‌زار مامۆستای وانه‌بێژ له‌ سه‌رانسه‌ری هه‌رێمی كوردستاندا هه‌ن.