مه‌ودا میدیا - 

كه‌مێك پێش ئێستا له‌ ئاهه‌نگێكى بووك گواستنه‌وه‌دا لە ناحیه‌یه‌كی سه‌ر به‌ پارێزگای کەرکوک شەر ڕوویدا و له‌ ئه‌نجامدا پێنج كه‌س بوون به‌ قوربانیی. 

به‌گوێره‌ی سه‌رچاوه‌كانی هه‌واڵ، به‌هۆی شه‌ڕه‌كه‌ له‌ گوندی سمایل به‌گی سه‌ر به‌ ناحیه‌ی شوان له‌ پارێزگای كه‌ركوك روویداوه‌ و به‌هۆیه‌وه‌ كه‌سێك كوژراوه‌ و چوار كه‌سى تریش بریندار بوون.

تا ئێستا هیچ زانیارییه‌ك له‌باره‌ی هۆكاری شه‌ڕه‌كه‌وه‌ نیه‌، به‌ڵام له‌نێوان دوو خێزانی به‌شداربووی ئاهه‌نگه‌كه‌دا روویداوه‌ و لێكۆڵینه‌وه‌ له‌لایه‌ن هێزه‌كانی پۆلیسه‌وه‌ ده‌ستیپێكردووه‌.