مه‌ودا میدیا - 

پێشەوا هەورامانی،  وته‌بێژی حكومه‌تی هه‌رێمی  كوردستان له‌ لێدوانێكی رۆژنامه‌وانیدا سه‌باره‌ت به‌ بۆردوومانی سه‌ر فرۆكه‌خانه‌ی هه‌ولێر و كاریگه‌رییه‌كان و ئامانجه‌كانی رایگه‌یاند، هەر جارێک پێشوەچوونێک هەبووبێت لە پەیوەندییەکانی نێوان هەولێر و بەغدا، ئەوا ئەم جۆرە گرووپانە هەوڵی دروستکردنی ئاژاوە و فیتنەیان داوە، بۆ ئەوەی ئەم پەیوەندی و گفتوگۆیانە شکست بهێنێت.

به‌وته‌ی پێشه‌وا هه‌ورامانی، ئەو ئەقڵییەتەی کە کردەوەی تیرۆرستی لە هەرێمی کوردستان ئەنجامدەدات، هەر ئەم ئەقڵیەتەش لەگەڵ ئەوەیە کە خەڵکی هەرێم لە رێگەی بەغداوە بودجە و قوتیان ببڕێت.

وته‌بێژی حكومه‌تی هه‌رێمی كوردستانیش دەڵێت: هەرێمی کوردستان هیچ کاتێک بەشێک نەبووە لەو کێشەو وململانێیانەی کە لە رۆژهەڵاتی ناوەڕاست روودەدەن و ویستوێتی رۆڵێکی خێر لە رۆژهەڵاتی ناوەڕاست بگێڕێت.