مه‌ودا میدیا - 

ئه‌مڕۆ شه‌ممه‌ نوێنه‌ری مامۆستایانی ناڕازی له‌ هه‌رێمی كوردستان، له‌ به‌غدا له‌گه‌ڵ محه‌مه‌د شیاع سودانی، سه‌رۆك وه‌زیرانی عیراق كۆبوونه‌وه‌ و داواكارییه‌كانیان پێشكه‌شكرد.

به‌گوێره‌ی زانیارییه‌كان، نوێنەرانی مامۆستایان و فەرمانبەرانی ناڕازی له‌گه‌ڵ كۆبوونه‌وه‌كه‌دا له‌گه‌ڵ محه‌مه‌د شیاع سودانی، سه‌رۆك وه‌زیرانی عیراق گفتوگۆیان كرد و یاداشتێكیان پێشكەشكرد كه‌ داواكارییه‌كانی مامۆستایان و فه‌رمانبه‌رانی ناڕازی له‌خۆگرتبوو. 

نوێنه‌ری مامۆستایان ناڕازی له‌ یاداشته‌كه‌یاندا داوای گواستنەوەی مووچەی فەرمانبەرانی هەرێم بۆ سەر عیراق و پێدانی مووچەكانیان لە سەر بانكی عیراقی كردووه‌ و هاوكات داوایانكردووه‌ لقی بانكه‌كانی رەشید و رافیده‌ین لە هەرێم بكرێنه‌وه‌ و پلە بەرزكردنەوە و دامەزراندنی وانەبێژەكان ده‌ستپێبكات.