مەودا میدیا-

بەپێی ئاماری کۆمەڵەی پەنابەرە گەڕاوەکان لە ھەرێمی کوردستان لە ساڵی 2023دا 37 کۆچبەر لەرێگەی چوون بۆ ئەوروپا گیانیان لەدەستداوە.

بەکر عەلی، سەرۆکی کۆمەڵەی پەنابەرە گەڕاوەکان لە ھەرێمی کوردستان لە کۆنفرانسێکی رۆژنامەوانیدا رایگەیاند "لە ئەمساڵدا 21 ھەزار کەس لە ھەرێمی کوردستانەوە کۆچیان کردووە بۆ وڵاتانی ئەوروپا کە سێ ھەزار و 400 کەسیان خەڵکی راپەرین بوون".

ئاماژەی بەوەشکرد "لەو ژمارەیە 37 کەسیان لەرێگەی گەیشتن بە ئەوروپا گیانیان لەدەستداوە، ژمارەیەکی زۆری کۆچبەریش لە سنووری بیلاروسیا و چەند وڵاتێکی دیکە لە زینداندان".

س.ر