مەودا میدیا- سازگار ئەحمەد

بەڕێوەبەری سەنتەری فریاکەوتنی خێرای سلێمانی رایدەگەیەنێت لە شەوی سەری ساڵدا تیمەکانی فریاکەوتنی خێرایی سلێمانی لە حاڵەتی ئامادەباشیدا دەبن، ئاماژە بەوەشدەکات بەشێک لە تیمەکان لە شەقامی سالم جێگیردەکرێن.

سامان نادر، بەڕێوەبەری سەنتەری فریاکەوتنی خێرای سلێمانی بە مەودا میدیای راگەیاند "لە شەوی سەری ساڵدا تیمەکانی فریاکەوتنی خێرایی سلێمانی لە حاڵەتی ئامادەباشیدا دەبن بۆ رووبەڕووبوونەوەی هەر حاڵەتێکی نەخوازراو".

ئاماژەی بەوەشکرد "لە بۆنەکاندا ژمارەی تیمەکانمان زیاددەکەن بۆ شەوی سەری ساڵیش جگە لە تیمەکانی ئێشکگر11 تیم لە مۆڵەکان و شەقامی سالم و شوێنە گەشتیارییەکان جێگیردەکرێن".

بەڕێوەبەری سەنتەری فریاکەوتنی خێرای سلێمانی وتی "تیمەکانی فریاکەوتنی دەوروبەری سلێمانیش هەر لە حاڵەتی ئامادەباشیدا دەبن بۆ بەهاناوەچوونی هاوڵاتییان".

س.ر