مه‌ودا میدیا - 

سه‌رچاوه‌كانی هه‌واڵی رۆژئاوای كوردستان ئەمڕۆ یەکشەممە بڵاویانكرده‌وه‌، فڕۆکەیەکی بێ فڕۆکەوانی توركیی جارێكی تر بۆردوومانی ناوچه‌ كوردییه‌كانی كردووه‌ته‌وه‌. 

روونكراوه‌ته‌وه‌ كه‌ فڕۆكه‌ی بێفڕۆكه‌وانی توركیی خاڵێکی پشکنینی هێزەکانی ئاسایشی ناوخۆی لە دەوروبەری بەشی ئاو لە قامیشلۆ لە باکووری سووریا کردووه‌ته‌ ئامانج، دوای ئه‌وه‌ی له‌رۆژانی رابردوودا چه‌ند خاڵێكی تری كرده‌ ئامانج. 

هاوكات ئه‌مڕۆ له‌ شاری سلێمانی له‌هه‌رێمی كوردستان، ته‌رمی مه‌نسور كه‌ریمیان، سینه‌ماكاری كورد به‌ره‌و زێدی خۆی شاری سنه‌ له‌ رۆژهه‌ڵاتی كوردستان به‌رێكرا، دوای ئه‌وه‌ی له‌رۆژانی رابردوودا له‌ رۆژئاوای كوردستان به‌بۆردوومانی توركیا گیانیله‌ده‌ستدا.