مه‌ودا میدیا - 

 ئه‌مڕۆ یه‌كشه‌ممه‌ له‌ راگه‌یه‌ندراوێكدا هه‌ردوو حزبی زه‌حمه‌تكێشانی كوردستان و پارتی ڕه‌نجده‌رانی كوردستان، سه‌باره‌ت به‌ هێرشی سه‌ر باره‌گایه‌كی پێشمه‌رگه‌ له‌ پیرمام  سه‌ر به‌ پارێزگای هه‌ولێر راگه‌یه‌ندراویان بڵاوكرده‌وه‌.

ئه‌و حزبه‌ كوردییه‌ له‌ راگه‌یه‌ندراوه‌كه‌یاندا  سه‌ركۆنه‌ی هێرشه‌ درۆنییه‌كان  ده‌كه‌ن و هاوكات داوا له‌ حكومه‌تی عیراق ده‌كه‌ن، سنوور بۆ ئه‌و گرووپه‌ میلیشیایانه‌ دابنێت.

ئه‌و دوو حزبه‌ كوردییه‌ سه‌ره‌ڕای ئیدانەکردن و شەرمەزارکردنی هێرشه‌ درۆنییه‌كان، رایدەگەیەنن کە ئەرکی حکوومەتی عیراقە سنوورێک بۆ ئەو گروپ و میلیشیا چەکدارانە دابنێت کە لە رێگەی درۆن و مووشەکەوه‌ بە بەردەوامی بۆردومانی هەرێمی کوردستان دەکەن.