مەودا میدیا-

ئێوارەی ئەمڕۆ یەکشەممە لە نزیک فڕۆکەخانەی هەولێر درۆنێکی بۆمبڕێژکراو لە ئاسمان تەقێندرایەوە لەلایەن هێزەکانی ئەمەریکاوە

بەپێی زانیارییەکانی دژەتیرۆری کوردستان، ئەمڕۆ یەکشەممە 31ی کانوونی یەکەمی 2023، کاتژمێر 16:54 درۆنێکی بۆمبڕێژکراو کە لە لایەن میلیشیا لەیاسادەرچووەکانەوە ئاراستەی بنکەی سەربازیی هاوپەیمانیی نێودەوڵەتیی دژی داعش لە فڕۆکەخانەی نێودەوڵەتیی هەولێر کرابوو، تێکشکێندرا و خرایە خوارەوە.

هەروەها مقاوەمەی ئیسلامی عیراقیش پەیامێکی بڵاوکردەوە و رایگەیاند "ئێمە هێرشەکەمان ئەنجام داوە و بەردەوام دەبین لە هێرشەکانمان".

س.ر