مه‌ودا میدیا - 

هاوكات له‌گه‌ڵ هێرشه‌كانی فڕۆكه‌ جه‌نگیی و درۆنه‌كانی توركیا بۆ سه‌ر ناوچه‌ جیاوازه‌كانی رۆژئاوای كوردستان، هێزه‌كانی رزگاری عه‌فرین له‌ رۆژئاوای  كوردستان ئاماری هێرشه‌كانی بۆ سه‌ر بنكه‌كانی سوپای توركیا بڵاوكرده‌وه‌. 

به‌گوێره‌ی سه‌رچاوه‌كانی هه‌واڵی رۆژئاوای كوردستان، هێزه‌كانی رزگاری عه‌فرین  بڵاویكردووه‌ته‌وه‌، له‌ چالاکیەکانی ساڵی ٢٠٢٣دا هێزەکانی رزگاری عەفرین 34 جار هێرشی كردووه‌ته‌ سه‌ر بنكه‌كانی سوپای توركیا. 

هێزەکانی رزگاری عەفرین له‌ راپۆرتێكدا كه‌ بۆنه‌ی ساڵی نوێوه‌ بڵاویكردووه‌ته‌وه‌، ئاشكرایكردووه‌، لەو 34 هێرشه‌دا كه‌ له‌ ساڵی ٢٠٢٣دا بۆ سه‌ر بنكه‌كانی توركیا ئه‌نجامیداوه‌، ٩٢ چه‌كداری سوپای توركیای كوشتووه‌.