مەودا میدیا-

لە راگەیەندراوێکدا وەزارەتی پێشمەرگەی حکومەتی هەرێمی کوردستان ئاشکرایکرد کە رۆژی پێنجشەممە مووچەی مانگی 12ی ساڵی رابردووی لیواکانی پیادەی وەزارەتی پێشمەرگە دابەشدەکرێت.

وەزارەتی پێشمەرگەی حکومەتی هەرێمی کوردستان رایگەیاند "دوای ئەوەی هاوکاری هێزەکانی هاوپەیمان بۆ هێزەکانی پێشمەرگە خراوەتە سەر هەژماری وەزارەتی پێشمەرگە، بەڕێوەبەرایەتی گشتی بودجە و بەرنامەکان (ژمێریاری سەربازی)، رێکارە دارایی و ژمێرییاریەکانی ئەنجام داون و بانکەکانی ئاگادارکردوونەتەوە، رۆژی پينجشەممە 4ی كانونى دووەمى 2024 مووچەی مانگی 12ی 2023ی لیواکانی پیادەی وەزارەتی پێشمەرگە دابەش دەکرێت".

س.ر