مه‌ودا میدیا -

ده‌سته‌ی داكۆكی له‌ مامۆستایان و فه‌رمانبه‌رانی نارازی وه‌ڵامی به‌رێوه‌به‌رایه‌تیی گشتیی په‌روه‌رده‌ی سلێمانیان دایه‌وه‌ كه‌ باسی له‌ ده‌ستپێكردنه‌وه‌ی خوێندنی ئه‌مساڵ كردبوو.

مامۆستایانی نارازی ته‌ئكیدیان له‌وه‌كردووه‌ته‌وه‌ كه‌ بایكۆت به‌رده‌وام ده‌بێت و له‌گه‌ڵ هیچ به‌رپرسێكی هه‌رێمی كوردستانیشدا كۆنابنه‌وه‌.

ئه‌مه‌ش ده‌قی وه‌ڵامدانه‌وه‌ی مامۆستایانه‌:

وەڵامێک بۆ جێگری بەڕێوەبەری گشتی پەروەردەی سلێمانی

بایکۆت بەردەوامە تا جێبەجێکردنی داواکاریەکان

دەستەکەمان بەهیچ شێوەیەک دانیشتنی نەکردووە لەگەڵ هیچ بەرپرسێکی هەرێم وە ناشیکەین.

هیوادارین جێگری بەڕێوەبەری گشتی ناوی ئەوانە ئاشکرابکات کە دانیشتوون لەگەڵیان ، ئەگەر نەیکات ،ناچارین ئێمە ناوەکان بڵاوبکەینەوە بۆ ڕای گشتی.

کۆنگرەی ڕۆژی یەکشەممە  بۆ  باسکردنی  سەردانەکەمان بووە بۆلای سەرۆک وەزیرانی عێراقی فیدراڵ.

بایکۆت بەردەوامە تا جێبەجێکردنی داواکاریەکان.

دەستەی داکۆکی لە مامۆستایان وفەرمانبەرانی ناڕازی

سلێمانی  سێ شەممە  ٢٠٢٤/١/٢