مه‌ودا میدیا - 

فڕۆکەخانەی نێودەوڵەتیی هەولێر، ئەمشەوی سێشه‌ممه‌، بەهۆی تەم و مژ و کەش و هەوا، به‌شێوه‌یه‌كی كاایی گەشتەکانی چوون و گه‌ڕانه‌وه‌ی راگرتووه‌ تا كاتی ئاساییبوونه‌وه‌ دۆخی كه‌شوهه‌وا. 

كه‌مێك پێش ئێستا وه‌زاره‌تی گواستنه‌وه‌ی هه‌رێمی كوردستان له‌ راگه‌یه‌ندراوێكدا ئاشكرایكرد، دوای نیوە شەو تا کاتەکانى بەیانى زوو ئەگەرى دروست بوونى تەمێکى مام ناوەند لە هەیە، بەتایبەت له‌ ناوچەکانى رۆژئاوای هەولێر و و سنورى بەردەش و پارێزگای دهوک و هەروەها سنورى پارێزگای کەرکووک و سنورى کۆیە و هەندێک ناوچەى پارێزگای سلێمانى و ئیدارەى ڕاپەڕین ده‌گرێته‌وه‌. 

به‌گوێره‌ی زانیارییه‌كان، بڕیاره‌ فڕۆكه‌خانه‌ی نێوده‌وڵه‌تیی هه‌ولێر سبه‌ینێ چوارشه‌ممه‌ پاش ئاساییبوونه‌وه‌ و نه‌مانی ته‌م و مژ، گه‌شته‌كانی ده‌ستپێبكاته‌وه‌.