مه‌ودا میدیا -

 یه‌كێتیی نیشتمانیی كوردستان كه‌مێك پێش ئێستا به‌بۆنه‌ی ته‌قینه‌وه‌كانی شاری كرمان له‌ باشووری ئێران، په‌یامێكی ئاراسته‌ی ئێران و بنه‌ماڵه‌ی قوربانیان كرد.

بافڵ تاڵه‌بانی، سه‌رۆكی یه‌كێتیی نیشتمانیی كوردستان له‌په‌یامێكدا به‌ توندی ئیدانه‌ی ته‌قینه‌وه‌كانی ئێرانی كرد، كه‌ ده‌یان كه‌س تیایدا بوون به‌ قوربانیی و ئاماژه‌ی به‌وه‌شكردووه‌ كه‌ یه‌كێتیی نیشتمانیی كوردستان هاوسۆزه‌ له‌گه‌ڵ ئێران.

ده‌قی په‌یامی بافڵ تاڵه‌بانی بۆ ئێران:

بە توندی ئیدانەی هێرشە تیرۆریستییەکەی شاری کرمان دەکەم و پرسە و هاوخەمیی قووڵی خۆمان ئاڕاستەی گەلی ئێران و كەسوكاری قوربانییەكان دەكەین.

‏‎ئەركی هەموولایەكە بە یەكگرتووییەوە هەوڵەكانمان بۆ رووبەڕووبوونەوەی تیرۆر و تیرۆریستان یەكبخەین و ئاسایش و سەقامگیریی ناوچەكە بپارێزین.

‏‎یەکێتیی نیشتمانیی کوردستان هاوسۆزە لەگەڵ کۆماری ئیسلامیی ئێران و هیوای زوو چاکبوونەوە بۆ بریندارەکان دەخوازین.

‏‎بافڵ جەلال تاڵەبانی

‏‎سەرۆکی یەکێتیی نیشتمانیی کوردستان