مەودا میدیا-

لەلایەن مەفرەزەكانی نووسینگەی نەهێشتنی تاوانی چەمچەماڵەوە تۆمەتبارێك دەستگیركرا كە چەندین تاوانی دزیكردنی ئەنجامداوە.

بەڕێوەربەرایەتیی پۆلیسی سلێمانی رایگەیاند "دوای ئەوەی چەند هاوڵاتییەك سكاڵایان تۆماركرد كە لەناو بازاڕی قەزای چەمچەماڵ دزییان لێكراوە  و پارەیان لێدزراوە، هێزەكانی پۆلیس لێكۆڵینەوەو بەدواداچوونەكانیان دەستپێكرد و دوای وەرگرتنی بڕیاری دادوەر توانرا تۆمەتبار بدۆزرێتەوە و دەستگیربكرێت كە گیرفانی هاوڵاتییانی بڕیبوو، لەكاتی دەستگیركردنیشیدا دەستگیرا بەسەر بڕێك پارەی دزراودا".

ئاماژەی بەوەشکرد "لەئێستادا تۆمەتبار (ش ، ع ، ب لەدایكبووی 1969) بە بڕیاری دادوەر و بەپێی مادەی 443 لە یاسای سزادانی عیراقی راگیراوەو دانی ناوە بە پێنج تاوانی دزیكردندا".

س.ر