مەودا میدیا- سازگار ئەحمەد

لە قەزای کۆیە تەرمی مامۆستایەکی وانەبێژ لە باخەکەی خۆیدا دۆزرایەوە و تەرمەکەی رەوانەی پزیشکی دادی هەولێر کرا  بە مەبەستی زانینی هۆکاری گیانلەدەستدانەکەی.

شێروان جەلال، جێگری بەڕێوەبەری تەندروستیی کۆیە بە مەودا میدیای راگەیاند "ئێوارەی ئەمڕۆ پێنجشەممە 4ی کانونی دووەمی 2024 لە قەزای کۆیە تەرمی مامۆستایەکی وانەبێژ بەناوی (وریا عومەر) لە باخەکەی خۆی دۆزرایەوە".

 
جێگری بەڕێوەبەری تەندروستیی کۆیە ئاماژەی بەوەشکرد "تەرمەکەی رەوانەی پزیشکی دادی هەولێر کراوە، تاوەکو هۆکاری گیانلەدەستدانەکەی بزانرێت".

س.ر