مەودا میدیا-

لەسەر سكاڵای هاوڵاتییەك و لەلایەن مەفرەزەكانی نووسینگەی نەهێشتنی تاوانی کوردساتەوە تۆمەتبارێك دەستگیركرا و دەستیشگیرا بەسەر ئۆتۆمبێلێكی بارهەڵگردا.

بەڕێوەبەرایەتیی پۆلیسی سلێمانی رایگەیاند "دوای ئەوەی هاوڵاتییەك سكاڵای تۆماركرد كە ئۆتۆمبێلە بارهەڵگرەکەی لێدزراوە، هێزەكانی پۆلیس لێكۆڵینەوە و بەدواداچوونەكانیان دەستپێكرد، دوای وەرگرتنی بڕیاری داوەری لێكۆڵینەوە، توانرا لەلایەن مەفرەزەكانی نووسینگەی نەهێشتنی تاوانی کوردساتەوە تۆمەتبار بدۆزرێتەوە و دەستگیربكرێت و دەستیشبگیرێت بەسەر ئۆتۆمبێلە دزراوەكەدا".

ئاماژەی بەوەشکرد "لەئێستادا تۆمەتبار (هـ، م، أ لەدایكبووی 1993) بەبڕیاری دادوەرو بەپێ مادەی 446 لە یاسای سزادان راگیراوە و لێكۆڵینەوە لەگەڵیدا بەردەوامە".

س.ر