مەودا میدیا- 

شەوی رابردوو لە گوندی عنادییە سەر بە ناحیەی زاب لە باکووری رۆژئاوای حەویجە لە پارێزگای کەرکوک تەقینەوەیەک روویدا و دوو خوشک بوونە قوربانی.

بەپێی زانیارییەکانی مەودا میدیا، شەوی رابردوو کاتژمێر 2:00 لە گوندی عنادییە سەر بە ناحیەی زاب لە باکووری رۆژئاوای حەویجە لە پارێزگای کەرکوک بەهۆی تەقینەوەی بوتڵی غازی ماڵانەوە سەقفی ماڵێک رووخا و بەوهۆییەوە دوو کەس گیانیان لەدەستدا.

هەر بەپێی زانیارییەکان، ئەو کەسانەی گیانیان لەدەستداوە خوشکی یەکن و یەکێکیان ناوی (سەباح مەعن نەجم)ە و تەمەنی  13 ساڵە و ئەوی دیکەشیان ناوی (مینا مەعن نەجم)ە و تەمەنی 10 ساڵە.

س.ر