گێتی
چوار كورد له سێداره ده‌درێن
مەودا میدیا - سلێمانی |
مه‌ودا میدیا-
سزاى له سێداره‌دان بۆ چوار كوردى رۆژهه‌ڵاتى كوردستان ده‌رچوو كه ماوه‌ى زیاتر له ساڵ و نیوێكه ده‌ستگیركراون.
چوار زیندانى سیاسى كورد به ناوه‌كى موحسین مه‌زڵوم، محه‌مه‌د فه‌رامه‌رزى، وه‌فا ئازه‌ربار و پژمان فاتیحى، دواى ئه‌وه‌ى ماوه‌ى ساڵ و نیوێكه له زیندانن، له چه‌ند رۆژى رابردوو سزاى له سێداره دانیان بۆ ده‌رچووه.
كه‌سوكارى ئه‌و چوار زیندانییه ئاگاداركراونه‌ته‌وه له سێداره‌دانى كوڕه‌كانیان، بڕیارى كۆتاییش له‌و باره‌وه ده‌رچووه و له چه‌ند رۆژى داهاتوو سێداره‌دانه‌كه جێبه‌جێ ده‌كرێت.
به‌پێى ئه‌و زانیارییانه‌ى بڵاوكراونه‌ته‌وه، ئه‌و چوار زیندانییه پارێزه‌ریان بۆ دیاریكراوه به‌ڵام تا ئێستا كه‌سوكاره‌كانیان نازانن ئه‌و پارێزه‌رانه كێن و ناونیشانیان كێیه.
موحسێن مه‌زڵوم خه‌ڵكى مه‌هاباد، محه‌مه‌د فه‌رامه‌رزى خه‌ڵكى دێولانى سه‌ر به شارى سنه، وه‌فا ئازه‌ربار خه‌ڵكى بۆكان و پژمان فاتیحى خه‌ڵكى كامیاران.
ه،ع
بیروڕا
