مه‌ودا میدیا-

ئێواره‌ى ئه‌مڕۆ شه‌ممه‌، نرخى دۆلار به‌رانبه‌ر به‌ دینارى عیراقى دابه‌زینى تۆماركرد به‌راورد به‌ كاتى به‌یانى كه‌ بازاڕ ده‌كرێته‌وه‌.

ئیبراهیم غه‌فور، خاوه‌نى كۆمپانیاى ئاڵوگۆڕى دراو له‌ سلێمانى به‌ مه‌ودا میدیاى راگه‌یاند "رۆژانى شه‌ممه‌، بازاڕى بۆرسه‌ نییه‌، به‌ڵام بازاڕى دۆلاره‌كه‌ كراوه‌یه‌ و به‌پێى خواستو خستنه‌ڕوو دۆلار كڕین  و فرۆشتنى پێوه‌ ده‌كرێت".

هه‌روه‌ها وتى "نرخى 100 دۆلار له‌ كاتى داخستنى بازاڕ بۆ 151 هه‌زار دینار دابه‌زى به‌راورد به‌ كاتى به‌یانى كه‌ 151 هه‌زار و 400 دیناربوو".

به‌رزى نرخى دۆلار له‌ كاتێكدایه‌، ماوه‌ى نزیكه‌ى یه‌ك ساڵه‌، بانكى ناوه‌ندى 100 دۆلار به‌ 132 هه‌زار دینار ده‌فرۆشێته‌وه‌ كۆمپانیاو بانكه‌كان.

ه،ع