مه‌ودا میدیا-

به‌پێى ئه‌و نرخانه‌ى له‌ به‌ڕێوه‌به‌رایه‌تى چاودێرى بازرگانى دیارى ده‌كرێن، نرخى گۆشت و قیمه‌ گرانبووه‌ و دوو هه‌زارى چووه‌ته‌سه‌ر.

سه‌رده‌شت سابیر، گۆشتفرۆش به‌ مه‌ودا میدیاى راگه‌یاند "به‌پێى نرخى كه‌لوپه‌ل و خۆراك كه‌ رۆژانه‌ له‌ لایه‌ن به‌ڕێوه‌به‌رایه‌تى چاودێرى بازرگانى سلێمانى بڵاوده‌كرێته‌وه‌، نرخى گۆشت و قیمه‌ گرانكراوه‌".

باسى له‌وه‌شكرد "كیلۆیه‌ك گۆشتى كار و به‌رخ بووه‌ به‌ 22 هه‌زار دینار، یه‌ك كیلۆ قیمه‌ش بووه‌ به‌ 22 هه‌زار دینار، واته‌ بۆ هه‌ر كیلۆیه‌ك دوو هه‌زار له‌ نرخى پێشو گرانبووه‌".

وتیشى "ته‌نها گۆشتفرۆشى شوێنه‌ مۆڵ و ماركێته‌كان به‌و نرخه‌ پابه‌ند ده‌بن، به‌ڵام بازاڕه‌ میللییه‌كان به‌و نرخه‌ پابه‌ند نابن و كیلۆى گۆشت له‌ 18 بۆ 20 هه‌زار دیناره‌، قیمه‌ش به‌هه‌مان شێوه‌".

ه،ع