مه‌ودا میدیا-

به‌پێى به‌دواداچوونه‌كانى مه‌ودا میدیا، له‌ چه‌ند رۆژى رابردوو ژماره‌یه‌كى زۆر به‌نزینخانه‌ له‌ ده‌ره‌وه‌ى سلێمانى نرخى به‌نزینی جۆرى نۆرماڵ و موحه‌سه‌نیان هه‌رزانكردووه‌.

به‌پێى به‌دواداچوونه‌كان، ئه‌و به‌نزینخانانه‌ نرخى یه‌ك لیتر به‌نزینى نۆرماڵیان كردووه‌ به‌ 675 دینار تا 700 دینار، ئه‌وه‌ش نرخێكى هه‌رزانتره‌ به‌راورد به‌و به‌نزینه‌ نۆرماڵه‌ى كه‌ له‌ به‌نزینخانه‌كان هه‌یه‌ و نرخى 750 دیناره‌و له‌ لایه‌ن حكومه‌تى هه‌رێمى كوردستان دابین ده‌كرێن، هه‌روه‌ها نرخى فه‌رمى به‌نزینى نۆرماڵ له‌ به‌نزینخانه‌كان به‌ 850 دینار دیارى كراوه‌".

هه‌روه‌ها نرخى یه‌ك لیترى به‌نزینى موحه‌سه‌ن به‌ 975 دینار تا هه‌زار دیناره‌، له‌كاتێكدا نرخى فه‌رمى له‌ به‌نزینخانه‌كانى تر 1075 دیناره‌.

له‌ ماوه‌ى رابردوو، به‌هۆى هه‌رزانبوونى نرخى نه‌وت له‌ بۆرسه‌ى جیهانى چه‌ندجارێك نرخى به‌نزین بۆ هه‌ر سێ جۆره‌كه‌ 25 دینار بۆ یه‌ك لیتر دابه‌زێندراوه‌.

ه،ع