مه‌ودا میدیا-

نرخى مریشك له‌ بازاڕه‌كاندا هه‌رزانبووه‌ و مریشكفرۆشێكیش ده‌ڵێت، به‌رهه‌مى ناوخۆ زۆره‌ و به‌هۆیه‌وه‌ مریشك هه‌رزانبووه‌.

رێژین عه‌لى، مریشكفرۆش به‌ مه‌ودا میدیاى راگه‌یاند "نرخى یه‌ك كیلۆى مریشك له‌ كێڵگه‌كانه‌وه‌ به‌ 2200 دیناره‌ و له‌ بازاڕه‌دا كیلۆى به‌ 2350 تا 2400 دیناره‌".

باسى له‌وه‌شكرد "هۆكارى هه‌رزانبوونه‌كه‌ى ئه‌وه‌یه‌ به‌رهه‌مێكى زۆر له‌ كێڵگه‌كان هه‌یه‌ و خستنه‌ڕوو زۆر له‌ خواست زیاتره‌، ئه‌وه‌ش وایكردووه‌ نرخى مریشك هه‌رزانبێت".

وتیشى "هه‌ركات به‌رهه‌مى كێڵگه‌كان به‌ره‌و ته‌واوبوون رۆشت، ئه‌وكات نرخى مریشك به‌رزده‌بێته‌وه‌ و خستنه‌ڕووش كه‌مده‌بێته‌وه‌".

به‌ وته‌ى خاوه‌ن كێڵگه‌ په‌له‌وه‌رییه‌كان، یه‌ك كیلۆى مریشك له‌ كێڵگه‌كان تا به‌رهه‌مهێنان و خستنه‌بازاڕى سێ هه‌زار دینار له‌سه‌ر خاوه‌ن كێڵگه‌كان ده‌كه‌وێت، به‌و پێیه‌ ئێستا، خاوه‌ن كێڵگه‌كان له‌ زیاندان.

ه،ع