مه‌ودا میدیا-


هاوسه‌رى سه‌لاحه‌دین ده‌میرتاش، هاوسه‌رۆكى پێشووترى هه‌ده‌په‌ى توركيا، له‌ كێبڕكێى هه‌ڵبژاردن بۆ شاره‌وانى ئیسته‌نبوڵ كشایه‌وه‌ و ده‌ڵێت، به‌ هه‌ماهه‌نگى هه‌ردوولا بووه‌.

باشاك ده‌میرتاش، هاوسه‌رى سه‌لاحه‌دین ده‌میرتاش، له‌ راگه‌یه‌ندراوێكدا باسى له‌وه‌كردووه‌ "بۆ هه‌ڵبژاردنى داهاتوو بۆ شاره‌وانى ئیسته‌نبوڵ له‌ كاندیدبوون كشاوه‌ته‌وه‌".

باسى له‌وه‌شكردووه‌ "خه‌ڵكێكى زۆر پشتگیرییان كردم بۆ خۆ كاندیدبوون، هه‌روه‌ها متمانه‌ى ده‌م پارتی له‌بیرناكه‌ین، به‌ڵام هه‌ردوولامان به‌ هه‌ماهه‌نگى له‌سه‌ر ئه‌وه‌ رێككه‌وتین له‌ كاندیدبوون بكشێمه‌وه‌".

وتوشیه‌تى "ئه‌و كاندیده‌ى ده‌م پارتى دیاریده‌كات بۆ شاره‌وانى ئیسته‌نبوڵ، هه‌مووان پشتگیرى ده‌كه‌ین و كار ده‌كه‌ین بۆ سه‌ركه‌وتنى".

ه،ع