کوردستانی
قوباد تاڵەبانی و پلاسخارت: هەنگاوی باش نراوە بە ئاڕاستەی چارەسەرکردنی بنەڕەتی هەموو کێشەکان
مەودا میدیا - سلێمانی |
![قوباد تاڵەبانی و پلاسخارت: هەنگاوی باش نراوە بە ئاڕاستەی چارەسەرکردنی بنەڕەتی هەموو کێشەکان](/uploads/article/thumbnail/36972/slider_434328738_762530885991306_174132269815344254_n.jpg)
مهدا میدیا-
قوباد تاڵەبانی و نوێنەری تایبەتی سکرتێری گشتیی نەتەوەیەکگرتووەکان له كۆبوونهوهىهكدا، جەختیان کردەوە، لەسەر بەڕێوەچوونی هەڵبژاردنێکی پاک و بێگەرد لە وادەی دیاریکراوی خۆیدا و هەردوولا هاوڕابوون لەسەر گرنگیی بەردەوامبوونی گفتوگۆکان بۆ چارەسەرکردنی بنەڕەتی هەموو کێشەکان و بە تایبەتیش کێشە داراییەکان.
قوباد تاڵەبانی، جێگری سەرۆکوەزیران پێشوازی کرد لە جێنین پلاسخارت، نوێنەری تایبەتی سکرتێری گشتیی نەتەوەیەکگرتووەکان لە عیراق و لە کۆبوونەوەی نێوانیاندا لەسەر پرسی هەڵبژاردنەکانی خولی داهاتووی پەرلەمانی کوردستان و پەیوەندییەکانی نێوان هەرێم و بەغداد گفتوگۆیان کرد.
لە کۆبوونەوەکەدا کە رۆژی چوارشەممە 3ى نیسانی 2024 لە هەولێر بەڕێوەچوو، قوباد تاڵەبانی، ستایشی جێنین پلاسخارتی کرد لە هەوڵەکانی بۆ چارەسەرکردنی کێشەکان و نزیککردنەوەی بۆچوونی لایەنە سیاسییەکانی کوردستان و عیراق و ئاماژەی بەوەشدا، کە لەماوەی چەند ساڵی رابردوودا ئەم هەوڵانە کاریگەری هەبووە لەسەر سەقامگیری عیراق و هێورکردنەوەی زۆرێک لە بارگژییە سیاسییەکان.
سەبارەت بە پرسی هەڵبژاردنەکانی خولی داهاتووی پەرلەمانی کوردستانیش، جێگری سەرۆک وەزیران جەختی کردەوە، لەسەر بەڕێوەچوونی هەڵبژاردنێکی پاک و بێگەرد لە وادەی دیاریکراوی خۆیدا.
لە تەوەرێکی دیکەی کۆبوونەوەکەدا باسی پەیوەندییەکانی نێوان هەرێم و بەغداد کرا، هەردوولا هاوڕابوون لەسەر گرنگیی بەردەوامبوونی گفتوگۆکان بۆ چارەسەرکردنی بنەڕەتی هەموو کێشەکان و بە تایبەتیش کێشە داراییەکان کە لەئێستادا هەنگاوی باش نراوە بەو ئاڕاستەیە.
پ ح ع
بیروڕا
![News](/uploads/author/picture/13/resized_IMG-20200119-WA0001.jpg)
![News](/uploads/author/picture/81/resized_3333.png)
![News](/uploads/author/picture/2/resized_%D9%A8.png)
![News](/uploads/author/picture/36/resized_69d6cdd8-2ad4-42e7-8cf3-6791b44b1035.jpg)