مه‌ودا میدیا-

له‌باره‌ى هه‌ڵپساردنى به‌شێك له‌ كاره‌كانى کۆمیسیۆنی باڵاى هه‌ڵبژاردنه‌كانى عیراق، سەرۆکی هاوپەیمانيی حامۆرابی بە هەنگاوێکی ئەرێنی ده‌زانێت و رایده‌گه‌یه‌نێت "دڵنیان کورسيی کۆتاکان دەگەڕێتەوە".

ئانۆ جەوهەر، سەرۆکی هاوپەیمانيی حامۆرابی رایگه‌یاند "هه‌ڵپساردنى کارەکانی کۆمیسیۆن بۆ هەڵبژاردنی ئه‌م خوله‌ى په‌رله‌مانى کوردستان، له‌ لایه‌ن پێکهاتەكانه‌وه‌ وه‌ك کلدان، سریان، ئاشووری و ئەرمەن،  بە هەنگاوێکی ئەرێنی دەبینن".

وتیشى "بەبێ بەشداری پێکهاتەکان هەڵبژاردن  کەموکوڕی هەیە و شەرعیەتی نییە".

ئاشكراشیكرد "له‌ داوانامەیەکیاندا كە ئاڕاستەی سەرۆکایەتییەکانی عیراق و هەرێمی کوردستان و یونامی و دادگای فیدڕاڵیی کردووە، داوايان كردووە کورسيی کۆتاكان بگەڕێتەوە، وه‌ دڵنیاشن کورسییه‌كان دەگەڕێتەوە".

ئه‌مه‌ له‌ كاتێكدایه‌، له‌ماوى رابردوودا دادگای فیدراڵی عێراق، له‌ بڕیارێكدا کورسيی پێکهاتەکانی لە پەرلەمانی کوردستان هەڵوەشانده‌وە.

پ ح ع