ئێوارەی ئەمڕۆ لە گەڕەكی بەهاری نوێ لە شاری هەولێر  شەڕ لەنێوان دوو خێزانی گەڕەكەكەدا دروست بوو، بەو هۆیەشەوە سێ كەس بریندار بوون. .
 
بەگوێرەی زانیارییەكان، هۆكاری درووستبوونی شەڕەكە ئەوەبووە كە منداڵی دوو خێزان لەنێو جۆگە یارییان كردووە و ئاوی پیسیان بەیەكدیدا كردووە، بەهۆی ئەوەشەوە دایكیان بەشەڕ هاتوون و دواتریش باوكی منداڵەكان هاتوونەتە دەرەوە و شەڕەكە گەورە بووە. 
 
بەپێی قسەی شایەتحاڵەكان، سەرەتا شەڕەكە شەڕەدەست بووە و دواتریش چچەقۆ و چەكیشیی تێدا بەكارهێنراوە، بەڵام هیچ كەسێك بە قورسی بریندار نەبووە مەترسی لەسەر ژیانیان دروست نەبووە. 
 
دوای رووداوەكەش هێزەكانی پۆلیس و هێزە ئەمنییەكان گەیشتنە گەڕەكەكە و دۆخەكە ئارام بوویەوە، بەڵام بەشێك لە شەڕكەرەكان پێش گەیشتنی پۆلیس هەڵاتوون. 
ئ.پ