مه‌ودا میدیا-

به‌یانى ئه‌مڕۆ له‌ هه‌ولێر، لە رووداوێکی تەقەکردندا کەسێک کوژرا و پۆلیسیش ده‌ڵێت "رووداوەکە بەهۆی کێشەی کۆمەڵایەتییەوە بووە".

به‌یانى ئه‌مڕۆ لە ناو بازاڕی شاری هەولێر لە رووداوێکی تەقەکردندا کەسێک درایه‌ به‌ر گولله‌ و کوژرا.

له‌و باره‌یه‌وه‌، پۆلیسی هەولێر ئاشكرایكرد "رووداوەکە بەهۆی کێشەیەکی کۆنی کۆمەڵایەتییەوە بووە و تۆمەتبار دەستگیر کراوە".

كه‌سى كوژراو کاسبکار بووه‌ و چووەتە سەر کارەکەی، له‌كاتى ئاماده‌كردنى مێزەکەی خۆی لە بازاڕ لە نزیک قەڵای هەولێر، لەناکاو کەسێکی لێپەیدا بووە و چوار گوللـەی پێوەناوە و هەڵهاتووە.

پ ح ع