مەودا میدیا-
ئاژانسی میهری ئێرانی لە زاری عەلی ئەسغەر، بەڕێوەبەری گشتیی گومرگی كرماشانەوە بڵاویكردووەتەوە، لە مانگی نیسانی ئەمساڵدا زۆرترین رێژەی هەناردەی دەرەكی لە ئێرانەوە بەرەو عیراق لە مەرزی نێودەوڵەتی پەروێزخانەوە بووە. 

بەڕێوەبەری گشتی گومرگی پارێزگای كرماشان لە رۆژهەڵاتی كوردستان ئاماژەی بۆ ئەوەكردووە، بڕی كەلوپەلی هەناردەكراو لە ئێرانەوە بۆ هەرێمی كوردستان و عیراق  گەیشتووەتە یەك ملیۆن و 600 هەزار تۆن تەنها لە مانگی نیساندا كە ئەوەش بەراورد بە هەمان مانگی ساڵی پێشوو، بە رێژەی 47% زیادیكردووە.

باسی لەوەشكردووە، لە هەمان مانگدا لە دەروازەی پەروێزخانەوە 486 هەزار تۆن كاڵا هاوردەكراوە كە ئەمەش بە بەراورد بە دەروازەكانی دیكەی ئێران، زۆرترین بڕە كە لەو دەروازەیەوە هاوردەكراوە. 
ئ.پ