مه‌ودا میدیا-

وته‌بێژى كۆمسیۆنى عیراق رایده‌گه‌یه‌نێت، به‌رده‌وامین له‌ ئاماده‌كارییه‌كان بۆ ئه‌نجامدانى هه‌ڵبژاردنى په‌رله‌مانى كوردستان.

جومانه‌ غه‌لای، وته‌بێژى كۆمسیۆنى هه‌ڵبژاردنه‌كانى عیراق به‌ مه‌ودا میدیاى راگه‌یاند "كۆمسیۆن له‌ هه‌موو لق و پارێزگاكان به‌رده‌وامه‌ له‌ ئاماده‌كارییه‌كانى بۆ هه‌ڵبژاردنى په‌رله‌مانى كوردستان".

وتیشى "له‌ ئێستادا كار له‌سه‌ر ئه‌وه‌ ده‌كه‌ین چاپى ناوى كاندید و لیسته‌كان كۆتایی پێبهێنین".

باسى له‌وه‌شكرد "له‌ واده‌ى خۆى كه‌ 10ى مانگى ئایاره‌، بانگه‌شه‌ى هه‌ڵبژاردنى په‌رله‌مانى كوردستان ده‌ستپێده‌كات و پێویسته‌ لیست و كاندیده‌كان پابه‌ندى مه‌رج و رێنماییه‌كان بن".

ع،ه