مەودا میدیا-

بەپێی هەواڵێكی ئاژانسی رۆیتەرز، رۆژی دووشەممە، سەرۆكی ویلایەتە یەكگرتووەكانی ئەمریكا و رووسیا پەیوەندییەكی تەلەفۆنیان ئەنجامداوە.

ئاژانسەكە باسی لەوەكردووە "هەر یەكە لە دۆناڵد ترەمپ، سەرۆكی ئەمریكاو فلادیمێر پوتنی سەرۆكی رووسیا پەیوەندیەكی تەلەفۆنیان ئەنجامداوە بە دەستپێشخەری ئەمریكا بووە، رێككەوتنیان لە رووبەڕووبوونەوەی كۆرۆناو قسەشیان لەسەر نرخی نەوت كردووە.

هەردوولا رێكەوتوون لەسەر ئەوەی كە لەو دۆخەدا بەهۆی كۆرۆناوە كە جیهانی گرتوەتە هەوڵەكانیان بۆ رووبەڕووبوونەوەی كۆرۆنا بخەنە گەڕ، هاوكات لە بارەی نرخی نەوت و دابەزینی نەوت لە ماوەی رابردوو گفتوگۆ كراوە.

پێشتریش رووسیا سعودیەی تۆمەتبار دەكرد بەوەی كە هۆكاری دابەزینی نرخی نەوتە.