مەودا میدیا-

بەپێی ئامارەكانی وەزارەتی تەندروستی ئێران، ئەوانەی لە نەخۆشی ڤایرۆسی كۆرۆنا نەجاتیان بووە و چاكبوونەتەوە زیاتر لە 14 هەزار كەس دەبن.

كیانوش جەهانپور، وتەبێژی وەزارەتی تەندروستی ئێران رایگەیاند "لە سەرەتای سەرهەڵدانی نەخۆشی ڤایرۆسی كۆرۆنا ئەوانەی تائێستا چاكبوونەتەوە 14 هەزار و 656 كەس دەبن".

هەروەها "لە ماوەی 24 كاتژمێری رابردوو زیاتر لە 3 هەزار كەس تووشی كۆرۆنا بوون و كۆی گشتی تووشبووانیش بۆ نزیكەی 45 هەزار كەس بەزربووەتەوە".

تائێستا ئەوانەی بەهۆی كۆرۆناوە لە ئێران گیانیان لە دەستداوە دوو هەزار و 898 كەس دەبن و بەردەوام لە زیادبوونیشدایە.