مه‌ودا میدیا-

جێگرى پارتى چاكسازى توركمان رایگه‌یاند، دابه‌شكاریی كورسى پێكهاته‌كان دادپه‌روه‌رى تێدا نییه‌ و پێویسته‌ گۆڕانكاریی تێدابكرێت.

مونا قەهوەچی، جێگری پارتی چاكسازی توركمان رایگەیاند "دادپەروەری لە دابەشكردنی كورسیی پێكهاتەكان نییە، پێویستە چۆن لە عیراق بە یەك بازنەیی پێكهاتەكان بەشداری هەڵبژاردن دەكەن، بە هەمان شێوە لە هەرێمیش هەمان شێواز پێڕەو بكرێت".

باسى له‌وه‌شكرد "نووسراو ئاڕاستەی كۆمسیۆنی باڵا دەكەین و داوای پێداچوونەوە بە  دابەشكردن و چۆنیەتیی دابەشكردنی كورسییەكان لەسەر ئاستی هەرێمی كوردستان دەكەین".

وتیشى "دوای كۆبوونەوەی حزبەكەمان بڕیارمان داوە كە بەشداری هەڵبژاردن بكەین، بەڵام بە مەرجی پێداچوونەوە بە شێوازی دابەشكردنی كورسیی كۆتاكان".

بەپێی بڕیارەكەی دەستەی دادوەریی هەڵبژاردنەكان، كۆمسیۆنی باڵای سەربەخۆی هەڵبژاردنەكان پابەند كراوە بە تەرخانكردنی پێنج كورسیی پەرلەمانی كوردستان بۆ پێكهاتەكان، بە شێوەیەك دوو كورسی بۆ هەولێر، دوو بۆ سلێمانی و كورسییەكیش بۆ دهۆك. 


ع،ه