مەودا میدیا-

ژیار ئەكرەم، سەرپەرشتیاریی بنكەكانی تۆماری بایۆمەتریی لە هەولێر رایگەیاند  "ئەوەی کێشەی بایۆمەتری هەبێت، مووچەی مانگی 10ی رادەگیرێت، بەڵام تۆمارکردنی مووچەخۆران بەردەوام دەبێت".

ئاماژەی بۆ ئەوەشکردووە "ئەو مووچەخۆر و فەرمانبەرانەی کێشەی بایۆمەتری و كۆدی بێهاوتایان هەیە، دوای کۆتاییهاتنی ئەو وادەیەی بۆیان دیاری کرابوو، ئێستاش دەتوانن خۆیان تۆمار بکەن".

ئەوەشی خستەڕوو "خاوەن پێداویستییە تایبەتەكان، کەسوکاری شەهیدان و خانەنشینان کە هەفتەی پێشوو خۆیان تۆمار نەکردووە، مووچەی مانگی 10یان رادەگیرێت کاتێک سەردانی بانکەکان دەکەن کێشەی بایۆمەترییان هەیە".

ئەمەش لە کاتێکدایە، بەپێی زانارییەکان تاوەکو ئێستا، 15 هەزار مووچەخۆر بایۆمەتریی و کۆدی UPNیان نەکردووە.

ب ح