مه‌ودا میدیا-

پۆلیسی سلێمانی رایگه‌یاند "مەفرەزەكانی بەشی پۆلیسی قەرەداغ تەرمی ئەو هاوڵاتییەیان دۆزییەوە كە لەسەرەتای ئەم مانگەوە چارەنووسی نادیار بوو".

لە راگەیەندراوێكدا بەڕێوەبەرایەتیی پۆلیسی پارێزگای سلێمانی بڵاویكرده‌وه‌ "دوای ئەوەی هاوڵاتییەك بەناوی نەجمەدین محەمەد ساڵح، تەمەن 75 ساڵ لە رۆژی 1ی ئایاری 2024ەوە لەماڵ چووبووە دەرەوە و چارەنووسی نادیاربوو، سەرەنجام ئەمڕۆ تەرمی هاوڵاتییەكە لە قۆپییەكانی قەرەداغ لەلایەن هێزەكانی پۆلیسەوە دۆزرایەوە''.

راشیگه‌یاندووه‌ ''ئێستا تیمەكان سەرقاڵی گواستنەوەی تەرمەكەن بۆ پزیشكی دادوەریی بەمەبەستی لێكۆڵینەوە لە هۆكاری گیانلەدەستدانی هاوڵاتییەكە''.

پ ح ع