مەودا میدیا-
بۆ نەهێشتنی مەترسییەكانی ئاگر كەوتنەوە لە چیای ئەزمەڕ و گۆیژە، قایمقامیەتی سلێمانی  ئاگركردنەوە بە هەموو جۆرێك قەدەغەدەكات. 

گۆران قادر، سەرۆكی لیژنەكانی قائیمقامیەتی سلێمانی بە مەودا میدیای راگەیاند"بە مەبەستی نەهێشتنی مەترسییەكانی كەوتنەوەی ئاگر لە چیای ئەزمەڕ و گۆیژە بڕیاریانداوە بە قەدەغەكردنی كردنەوەی ئاگر لەو جێگایانە". 

وتیشی"بە فەرمانی قائیمقامی سلێمانی، لیژنەكانی قایمقامیەت بە هاوكاری لیوای یەكی پاراستنی سلێمانی و بەڕێوەبەرایەتی هاتوچۆ و بەشی زیادەرۆیی لە شارەوانی و دارستان و پاوان، هەڵمەتێكیان ئەنجامداوە و سەرجەم هاوڵاتییان و شوێنكارەكانیان لە فەرمانەكە لەو جێگایانە ئاگاداركردووەتەوە".  

ئاماژەی بۆ ئەوەشكرد"هەركەسێك سەرپێچی لەو فەرمانە بكات رووبەڕووی سزای یاسایی دەكرێتەوە".
ئ.پ