مه‌ودا میدیا-

مەسرور بارزانی، سەرۆک وه‌زیرانى هەرێمی کوردستان پەیامێکی پیرۆزبایی به‌ بۆنه‌ى 49هه‌مین ساڵیادى دامه‌زراندنى یەکێتیی نیشتمانیی کوردستان بڵاوده‌کاتەوە و رایده‌گه‌یه‌نێت "یەکێتی خاوەن مێژوویەکی دیار و بەرچاوە و لە زۆر قۆناغی جیاوازی مێژووی گەلەکەماندا، روڵی دیار و کاریگەری هەبووە".

ده‌قى پەیامەکەی مەسرور بارزانی:

بۆ سەرکردایەتی و ئەندامانی یەکێتیی نیشتمانیی کوردستان؛

سڵاو و رێز،

پیرۆزبایی یادی دامەزراندنی یەکێتیی نیشتمانیی کوردستان لە بەڕێزتان و ئەندامان و لایەنگرانتان دەکەم.

یەکێتی خاوەن مێژوویەکی دیار و بەرچاوە و  لە زۆر قۆناغی جیاوازی مێژووی گەلەکەماندا، روڵی دیار و کاریگەری هەبووە.

لەم رۆژەدا یادی دامەزرێنەری یەکێتیی نیشتمانیی کوردستان، خوالێخۆشبوو  بەڕێز مام جەلال دەکەینەوە و هیوادارم لە تێکوشان و خەبات لە پێناو بەدیهێنانی مافە رەواکان و پاراستنی دەستکەوتەکانی گەلەکەمان و هەروەها لە پشتیوانیکردنی حکومەتی هەرێمی کوردستان بەردەوام بن و هەر سەرکەوتوو بن.

مەسرور بارزانی
سەرۆکی حکومەتی هەرێمی کوردستان
 
پ ح ع