مه‌ودا میدیا-

سه‌باره‌ت به‌ ئاڵوگۆڕی زیانیاریی و هەماهەنگی هەواڵگریی نێوان هه‌ردوولا، ئه‌نجومەنی ئاسایشی هەرێم و ئەنجومەنی هەواڵگریی نیشتمانیی عیراق کۆبوونەوە، هاوكات جەختیان لە هاوکاری نێوان دەزگا ئەمنییەکان و یەکخستنی هەوڵە هەواڵگرییەکان کردەوە.

ئەمڕۆ سێشەممە4ى حوزه‌یرانى 2024، کۆبوونەوەی هاوبەشی ئەنجومەنی ئاسایشی هەرێمی کوردستان و ئەنجومەنی هەواڵگریی نیشتمانیی عیراق بە ئامادەبونی، جەلال شێخ ناجی سەرۆکی ئاژانسی پاراستن و زانیاریی/ زانیاریی هەرێم، هیوا ئەحمەد سەرۆکی دەزگای ئاسایشی هەرێم، رێبەر ئەحمەد وەزیری ناوخۆی هەرێم لە هەولێر بەڕێوەچوو.

لە کۆبوونەوەی نێوان ئەو بەرپرسە ئەمنی و حکومییانە ئاڵوگۆڕی زانیاریی و هەماهەنگیی هەواڵگری و ئاڵنگارییە ئەمنییەکان  تاوتوێکراون.

لە کۆبوونەوەکە هەموو لایەنەکان جەختیان لە هاریکاری زیاتری نێوان دەزگا ئەمنییەکان و یەکخستنی هەوڵە هەواڵگرییەکان کردەوە لەپێناو سەقامگیری زیاتری ئاسایش و ئارامی لە عیراق و هەرێمی کوردستان.

جگەلەوەش، هەنگاوەکانی رووبەڕووبوونەوەی پاشماوەکانی تیرۆر و یاسا شکێنان، لابردنی بەربەستەکانی بەردەم کێشەکان و دۆسییە هاوبەشەکان، تەوەرێکی دیکەی کۆبونەوەکە بوو کە هەڵسەنگاندنی بۆ کرا و لەسەر بنەمای یاسابەرکارەکان و بەرژەوەندی نیشتمانیی بڕیاری پێویستیان لەبارەوە درا.

پ ح ع