مه‌ودا میدیا-

وه‌فدی دانوستانکاری حکومەتی هەرێم و کۆمپانیاکانی گواستنەوە و بەرهەمهێنانی نەوت و گاز له‌ كۆبوونه‌وه‌یه‌كدا جەختیان لە چارەسەری ریشەیی کێشەکان کردەوە.  

ئه‌مڕۆ 5ى حوزه‌یرانى 2024، وه‌فدی دانوستانکاری حکومەتی هەرێمی کوردستان لەگەڵ کۆمپانیاکانی گواستنەوە و بەرهەمهێنانی نەوت و گاز کۆبوونەوە.

له‌ راگه‌یه‌ندراوێكدا هاتووه‌ "نیازی حکومەتی هەرێمی کوردستان بۆ چارەسەری ریشەیی جەختی لێکرایەوە و خواستی حکومەتی هەرێمی کوردستان بۆ هەرچی زوو دەستپێکردنەوەی هەناردەکردنی نەوتی هەرێمی کوردستان لەگەڵ نوێنەری کۆمپانیاکان خرایەڕوو، بە جۆرێک کە ئەم پرسە پێویستی بە رێگەچارەی هاوبەش و لێکتێگەیشتنی هاوبەشی هەموو لایەکە سەبارەت بە تێچووی بەرهەمهێنان و گواستنەوەی نەوت". 
 
روونیشكراوه‌ته‌وه‌ "لە کۆبوونەوەکەدا هەماهەنگی و کاری هاوبەشی لەنێوان حکومەتی هەرێمی کوردستان و کۆمپانیاکان بە پێویست زانرا لە پێناو دەستپێکردنەوەی هەناردەکردنەوەی نەوتی هەرێمی کوردستان کە کاریگەریی زۆری دەبێت لەسەر  بووژاندنەوەی ئابووریی هەرێمی کوردستان و عیراق". 

پ ح ع