مه‌ودا میدیا-

به‌هۆى كێشه‌ى زه‌وی و زار له‌ گوندێكى سنووری گەرمیان شەڕ لەنێوان شەش برا دروستبوو، بەو ھۆیەشه‌وە یەکێک له‌ براكان کوژراو دووانی تریان بریندار بوون. 

عەلی قەدووری، وتەبێژی پۆلیسی گەرمیان ئاماژه‌ى به‌وه‌كرد "لەسەر کێشەی زەوی و زار، لە گوندی گۆڕی ئەسپی سەر بە ناحیەی شێخ تەویل،  شەش برا دەمەقاڵێ و گرژی لەنێوانیاندا دروستبووە".

وتیشى "دواتر بووه‌ته‌ تەقەکردن و لە ئەنجامدا یەکێک له‌ براكان کوژراوە و دووانی تریشیان برینداربوون و رەوانەی نەخۆشخانەی دەربەندیخان کراون".

روونیشیكرده‌وه‌ "بەپێی مادەی 406 فەرمانی دەستگیرکردن بۆ تەقەکەرەکان دەرچووە، پۆلیسیش دەستیکردووە بە لێکۆڵینەوە، بەڵام تاوه‌كو ئێستا ھیچ یه‌كێك لە تەقەکەرەکان دەستگیر نەکراون".

پ ح ع