مەودا میدیا-
ئیوارەی ئەمرۆ لە كاتی مەلەكردندا مێردمنداڵێكی تەمەن 14 ساڵان لە ئاوی زێی گەورەدا خنكا و تائێستا گەڕان بەدوای تەرمەكەیدا بەردەوامە و نەدۆزراوەتەوە.

رائید ئامانج محمد، بەرپرسی تیمی غەواسی قەزای خەبات رایگەیاند، كاتژمێر 4:00ی ئیوارەی ئەمڕۆ مێردمنداڵێك لە كاتی مەلەكردندا لە زێی گەورە خنكاوە كە تەمەنی 14 ساڵە و  خەڵكی قەزای خەباتە.

وتیشی" تەرمی مێرد منداڵەكە لە ئاوەكەدا ون بووە و هێشتا نەدۆزراوەتەوە و گەڕان بەدوای تەرمەكەیدا لەلایەن تیمەكانیانەوە بەردەوامی هەیە".

ئاماژەی بۆ ئەوەشكرد" مێردمنداڵەكە بۆ بەسەربردنی كاتێكی خۆش و بە مەبەستی مەلەكردن چووەتە زێی گەورە، بەڵام لە كاتی مەلەكردندا خنكاوە". 
ئ.پ