مه‌ودا میدیا-

کەشناسیی هەرێم له‌ باره‌ى پێشبینییه‌كانى کەشوهەوا بۆ ئەمڕۆ و سبەینێ رایده‌گه‌یه‌نێت "ئەمڕۆ ئاسمان ساماڵ و پەڵە هەور دەبێت، له‌گه‌ڵ زیادبوونى خێرای با، سبەینێش ئاسمان پەڵەهەور و نیمچە هەوردەبێت".

به‌ڕێوه‌به‌رایه‌تیی كه‌شناسیی و بوومه‌له‌رزه‌زانیی هه‌رێمى كوردستان، بڵاویكردووه‌ته‌وه‌ "ئەمڕۆ یەکشەممە ئاسمان ساماڵ و پەڵە هەور دەبێت، لەگەڵ زیادبوونى خێرايی با بۆ سەرووى 20 کم لە کاتژمێریکدا لەزۆربەى ناوچە جیاجیاکان".

ده‌شڵێت "لە هەندێک  ناوچە شاخاوییە سنوورییەکان لە کاتەکانى نیوەڕۆ ئەگەرى دروستبوونى کەشێکى نیمچە هەور و هەورە بروسکە و کەمێک بارانبارین هەیە، هاوكات پلەکانی گەرما کەمێک بەرزتر دەبێت لە تۆمارکراوی دوێنێ".

بۆ سبەینێ دووشەممەش، روونیكردووه‌ته‌وه‌ "ئاسمان پەڵەهەور و نیمچە هەوردەبێت لەگەڵ نزمبوونەوەى پلەکانى گەرما بە نزیکەى (2-3)پلەى سیلیزى، خێرايى با لە سنوورى پارێزگاى هەولێر و سنوورى پارێزگاى کەرکووک زیاد دەکات".

ئه‌وه‌شى خستووه‌ته‌ڕوو "پلەکانی گەرما نزم دەبێتەوە بە (2-3)پلە ى سیلیزى بەراورد بە تۆمارکراوەکانی ئەمڕۆ".

بەرزترین پلەکانی گەرمای پێشبینیکراو بە پلەی سیلیزی:

هەولێر: 40  

سلێمانی: 37  

دهۆک: 38

کەرکوک: 42

هەڵەبجە: 40 

زاخۆ: 40 

سۆران: 38

حاجی ئۆمەران: 25

گەرمیان: 42

پ ح ع