مه‌ودا میدیا-

به‌هۆى رووداوێكى هاتوچۆ لە نێوان ئۆتۆمبێلێک و ماتۆڕسکیلێک له‌ گه‌رمیان، سێ كه‌س بریندار بوون.

له‌ راگه‌یه‌ندراوێكدا بەڕێوەبەرایەتیی هاتوچۆی گەرمیان رایگه‌یاندووه‌ "لە نزیک گوندی شێرەوەن رووداوێکی پێکدادان لە نێوان ئۆتۆمبێلێکی جۆری (ئاسۆزۆ ستەیشن) و ماتۆڕسکیلێکی دوو تایە روویدا، پاشان ئۆتۆمبیلەکە وەرگەڕاوە و بەهۆی رووداوەکەوە لێخوڕی ماتۆڕسکیلەکە و شۆفێر و سەرنشینێکی ئۆتۆمبیلەکە برینداربوون".

روونیشیكردووه‌ته‌وه‌ "بریندارەکان بۆ وەرگرتنی چارەسەری پێویست گواسترانەوە بۆ نەخۆشخانەی فریاکەوتنی شەهید هەژار لە کەلار".

ئه‌وه‌شى خستووه‌ته‌ڕوو "لەلایەن تیمی هاتوچۆوە لێکۆڵینەوە لە رووداوەکە دەستیپێکردووە".

پ ح ع