مەودا میدیا-

لە سنوری ئیدارەی راپەڕین ژمارەیەك هاوڵاتی كە لەرابردوو هاوڵاتیان لە ئێرانەوە بە قاچاخ هێناوەتەوە هەرێمی كوردستان لە لایەن هێزە ئەمنییەكانەوە دەستگیركران.

بەپێی راگەیەندراوێكی ئیدارەی هەڵشۆ لە راپەڕین "هێزە ئەمنییەكان بەمەبەستی خۆپارێزی و رووبەڕووبوونەوەی ڤایرۆسی كۆرۆنا لەماوەی رابردوو ژمارەیەك قاچاخچیان دەستگیركردووە كە هاوڵاتیان بە قاچاخ هێناوەتەوە لە ئێرانەوە بۆ سنورەكە".

لای خۆیەوە محەمەد فازیل، وتەبێژی ئاسایشی راپەڕین بە مەودا میدیای راگەیاند "ژمارەیان 23 هاوڵاتیە و بەپێی یاسا مامەڵەیان لەگەڵ دەكرێت چونكە هاوڵاتی و كەلوپەلی قاچاخیان هێناوە".

هەروەها وتی "لە ماوەی رابردوو چەندین كەسی تر لە سنورەكە رێگریان لێكراوە و سنورداش كراونەتەوە".