مه‌ودا میدیا-

ئه‌مڕۆ له‌كاتى بەجێگەیاندنی فەریزەی حەج لە کێوی عەرەفە، یەکەم حاجیی هەرێمی کوردستان كه‌ دانیشتووی هەولێره‌ گیانی لەدەستدا.

نەبەز ئیسماعیل، وتەبێژی وەزارەتی ئەوقاف و کاروباری ئایینیی هەرێمی کوردستان ئاشكرایكرد "یەکەم حاجیی هەرێمی کوردستان کە ژنه‌ و خەڵکی شارى هەولێرە، لە سعودیە گیانی لەدەستدا".

روونیشیكرده‌وه‌ "ئەو حاجییه‌ بەشێوەی بە ڤیزای گەشتیاریی چووەتە سعودیە، به‌ ره‌سمی و لە رێگەی بەڕێوەبەرایەتیی حەج و عومرەی هەرێمی کوردستانەوە نەچووە بۆ حەج".

ئه‌و حاجییه‌ ناوی هەمین قادر عەلی،یه‌ و دانیشتووی شاری هەولێره‌،  لە کێوی عەرەفە و لەکاتی بەجێگەیاندنی فەریزەی حەج کۆچییدوایی کردووه‌.

پ ح ع