مه‌ودا میدیا-

بەرگریی شارستانیی سۆران رایدەگەیەنێت "تیمه‌كانیان گەشتیارێکی عەرەبیان له‌ مردن رزگار كردووه‌ به‌وه‌ى ئه‌و گه‌شتیاره‌ له‌ شاخێكه‌وه‌ كه‌وتووه‌ته‌خواره‌وه‌ و گه‌یاندوویانه‌ به‌ نەخۆشخانە".

به‌ڕێوەبەرایەتیی بەرگریی شارستانیی سۆران لە راگەیەندراوێکدا ئاشكرایكردووه‌ ''گەشتیارێکی عەرەب بە ناوی (محەمەد کەنعان ئەحمەد) تەمەن 50 ساڵ، بەهۆی کەمبوونەوەی شەکری خوێنەوە، لە شاخێکی نزیک تاڤگەی گەلی علی بەگ کەوتەخوارەوە".

ده‌شڵێت "دواتر لەلایەن تیمی پاراستنی رووباری سۆرانەوە بەمەبەستی وەرگرتنی چارەسەر رەوانەی نەخۆشخانەی فریاکەوتنی سۆران کرا''.

پ ح ع